९ साउन, काठमाडौं । झापामा पछिल्लो समय डेङ्गु सङ्क्रमणको दर घट्दै गएको छ ।
जिल्लास्थित स्वास्थ्य कार्यालयका अनुसार जनचेतना अभिवृद्धि, स्थानीय तहको सक्रिय सहभागिता तथा ‘खोज तथा नष्ट गर’ अभियान प्रभावकारी बन्दै जाँदा डेङ्गुका बिरामीको संख्या अघिल्लो वर्षको तुलनामा कम भएको हो ।
स्वास्थ्य कार्यालयको तथ्यांकअनुसार आर्थिक वर्ष २०८१र८२ मा जिल्लामा दुई हजार जना डेङ्गु संक्रित भेटिएका थिए भने गत आवमा भने यो संख्या घटेर ६०१ जनामा सीमित भएको छ ।
स्वास्थ्य कार्यालयका प्रमुख वृजकुमार दासका अनुसार डेङ्गु सार्ने एडिस जातको लामखुट्टेले सफा र जमेको पानीमा प्रजनन गर्ने भएकाले यसको नियन्त्रणका लागि जिल्लाका १५ वटै स्थानीय तहमा हरेक वर्ष ‘लामखुट्टेको बासस्थान खोज तथा नष्ट गर’ अभियान सञ्चालन हुँदै आएको छ ।
स्थानीय तहसँगको समन्वयमा सञ्चालन गरिएको अभियान, नियमित सरसफाइ र जनचेतनामूलक कार्यक्रमका कारण संक्रमण नियन्त्रणमा सकारात्मक परिणाम देखिएको उनले बताए ।
