काठमाडौं, भदौ १५- कान्ति बाल अस्पताल विकास समिति अन्तरगर्तका कर्मचारीहरु आन्दोलनमा उत्रिएका छन् । अस्पताल विकास समिति तत्काल गठन हुनुपर्ने, अस्पतालका कार्यकारी निर्देशक र लेखा अधिकृतलाई तत्काल हटाउनु पर्ने लगायतका माग राख्दै उनीहरु आन्दोलित भएका हुन् ।
उनीहरुले माग पुरा गर्न अस्पताल पक्षलाई एक साताको समय दिएका छन् । माग पुरा नभए कार्यकारी निर्देशक र लेखा प्रमुखको कार्यकक्षमा अनिश्चित कालिन तालावन्दी गर्ने चेतावनीसमेत दिएका छन् ।
कर्मचारीहरुले आफ्ना मागहरुमा सेवा सुविधा र व्यवस्थापनको कुरालाई बढी जोड दिएका छन् । यस्तै उनीहरुले नेतृत्व तहबाट आर्थिक अनियमिता भएको समेत आरोप लगाएका छन् ।
