काठमाडौं । बंगलादेशमा जारी सीएभीए बिच भलिबल प्रतियोगितामा नेपालले लगातार दोस्रो जित हात पारेको छ । बंगलादेशको कक्स बजारमा बुधबार भएको पुरुषतर्फ नेपालले माल्दिभ्सलाई २-१ को सेटमा हराएर लगातार दोस्रो जित हात पारेको हो । नेपालले आज नै भएको पहिलो खेलमा आयोजक बंगलादेशलाई पराजित गरेको थियो ।

मान बहादुर श्रेष्ठ र दिल बहादुर सुनारको जोडी रहेको नेपालले पहिलो सेट १७-२१ ले गुमाएकोमा दोस्रो र तेस्रो सेट क्रमशः २१-१४ र १५-९ ले जितेको थियो । पुरुषतर्फ बंगलादेश, नेपाल, भुटान, पाकिस्तान, भारत, माल्दिभ्स र किर्गिस्तान रहेको छ ।

महिलातर्फ पनि नेपालले बंगलादेशलाई २-० को सेटमा हराएर दोस्रो जित हात पारेको छ । महिलातर्फ आयोजक बंगलादेश, श्रीलंका, नेपाल र उज्वेकिस्तानको सहभागिता रहेको छ ।