Advertisement
काठमाडौँ । नेपाल प्रिमियर लिग (एनपीएल)मा आज दुई खेल हुँदै छन् । आज हुने पहिलो खेलमा कर्णाली याक्स, काठमाडौँ गुर्खाज आमने सामने हुने भएका छन् ।
बिहान ९ः१५ बजे सुरु हुने यो खेलमा कर्णाली र काठमाडौँ दुबै पहिलो जितको खोजीमा हुनेछन् । यी दुवैले प्रतियोगिताको सुरुवात हारबाट गरेका थिए ।
काठमाडौँ पहिलो खेलमा चितवन राइनोजसँग ५ विकेटले पराजित भएको थियो भने कर्णाली जनकपुर बोल्ट्ससँग ८ विकेटले पराजित भएको थियो ।
त्यस्तै आज हुने दोस्रो खेलमा लुम्बिनी लायन्स र विराटनगर किंग्सबिच प्रतिस्पर्धा हुनेछ । यो खेल दिउसो १ः१५ बाट सुरु हुनेछ ।
लगातार दुई खेल गुमाएको विराटनगर जित्नै पर्ने दबाबमा हुनेछ । यता लुम्बिनी भने जितबाट प्रतियोगिताको सुरुवात गर्ने योजनामा हुनेछ ।
