Advertisement
१९ कात्तिक, काठमाडौं । नेपाली कांग्रेसका पदाधिकारीहरू आज सरकारका पछिल्ला निर्णय र समसामयिक राजनीतिक घटनाक्रमबारे छलफलमा जुट्दैछन्।
सानेपास्थित पार्टी कार्यालयमा दिउँसो ३ बजे बस्ने अनौपचारिक बैठकमा आईजीपी परिवर्तन, पत्रकारमाथिको धरपकड, प्रेस स्वतन्त्रतामाथिको हस्तक्षेप र इनम सापकोटाको अडियो प्रकरणबारे छलफल हुने बताइएको छ।
सरकारका गतिविधिविरुद्ध राजनीतिक तथा कानुनी प्रतिवाद गर्ने रणनीतिसमेत बैठकमा तय हुन सक्नेछ।
साथै, जिल्ला र प्रदेश अधिवेशन हुन बाँकी रहेकाले पार्टीको सांगठनिक अवस्थाबारे पनि छलफल हुनेछ।
कांग्रेस महामन्त्री डिला संग्रौलाले बैठक औपचारिक नभई समसामयिक विषयमा केन्द्रित अनौपचारिक छलफल मात्र हुने बताएकी छन्।
