काठमाडौं । आइतबार ठूलो गिरावट आएको सुनचाँदीको मूल्य सोमबार पुनः बढेको छ।

नेपाल सुनचाँदी व्यवसायी महासंघका अनुसार आज सुनको मूल्य तोलामा २ हजार ३ सय रुपैयाँले बढेर २ लाख ७४ हजार ३ सय रुपैयाँ कायम भएको छ।

आइतबार सुनको मूल्य ८ हजार ३ सय रुपैयाँले घटेको थियो। त्यसैगरी चाँदीको मूल्य पनि आज तोलामा ७० रुपैयाँले बढेर ३ हजार ७ सय २० रुपैयाँ पुगेको छ। आइतबार चाँदी १७५ रुपैयाँले घटेको थियो।
नेपाली बजारमा सुनको हालसम्मकै उच्च मूल्य गत माघ १५ गते तोलाको ३ लाख ३९ हजार ३ सय रुपैयाँ पुगेको थियो।

यस्तै, चाँदीको उच्चतम मूल्य माघ १५ गते तोलाको ७ हजार ५०५ रुपैयाँ कायम भएको थियो।