काठमाडौं, असार १३- कोटेश्वर बहुमुखी क्याम्पस स्ववियुद्वारा आयोजना गरिएको काठमाडौँ उपत्यका व्यापी अन्तर कलेज खुल्ला फुटसल प्रतियोगितामा न्युटन इन्टरनेशनल कलेज, जोरपाटीले जित हात पारेको छ ।

प्रतियोगितामा काठमाडौँ, भक्तपुर र ललितपुर जिल्ला भरिका ४० कलेजहरु समावेश भएका थिए ।

सो मध्यमा जोरपाटीमा रहेको न्युटन इन्टरनेशनल कलेजले प्रथम स्थान हासिल गरेको हो। प्रथम भएको न्युटन कलेजले १ लाख नगद सहित शिल्ड तथा मेडल प्रमाण पत्र प्राप्त गरेको थियो ।

न्युटन कलेजले सर्वोत्कृष्ट गोल रक्षकको उपाधी समेत प्राप्त गर्न सफल भएको थियो ।