गुल्मी, बैशाख १६- गुल्मीमा शनिबार राति शव दाहसंस्कार गरेर फर्कंदै गरेको जिप दुर्घटना हुँदा एक जनाको मृत्यु भएको छ
दुर्घटनामा १२ जना घाइते भएका छन् ।
रुद्रवेणीबाट मलामी लिएर लिम्घा जाँदै गरेको लु १ च ४३२० नम्बरको पिकअप गाडी सत्यवती गाउँपालिका–४ मौरीओढारमा दुर्घटना हुँदा सत्यवती ४ लिम्घाका ७५ वर्षीय मनबहादुर फुम्जालीको मृत्यु भएको जिल्ला प्रहरी कार्यालय गुल्मीका डीएसपी शंकर पोखरेलले बताए ।
गाडीको ब्रेक फेल भएर सडकदेखी ४० मिटर तल खसेको छ ।
प्रहरीका अनुसार घाइतेमध्ये ४ जनालाई थप उपचारका लागि पाल्पा पठाइएको र अन्यको जोहा प्राथमिक स्वास्थ्य केन्द्रमै उपचार भइरहेको छ ।