काठमाडौं, मङ्सिर ४- रुकुम पश्चिममा जिप दुर्घटना हुँदा कम्तिमा २२ जना यात्रु घाइते भएका छन् ।
प्रहरीका अनुसार ५ जना घाइतेको अवस्था गम्भीर छ ।
आज बिहान चौरजहारी नगरपालिकाको खोलागाउँदेखि सदरमुकाम मुसिकोट खलंगातर्फ जाँदै गरेको लु१ज २२९७ नम्बरको जिप मध्यपहाडी लोकमार्ग अन्तर्गत चौरजहारी नगरपालिका-८ गैरीजिउला भन्ने स्थानमा दुर्घटना भएको हो ।
जिप सडकबाट करिब २५० मिटर तल भेरी नदी किनारमा खसेको छ ।
घाइतेहरुलाई उद्धार गरी चौरजहारीको मिसन अस्पतालमा लगिएको छ ।
उद्धार कार्य अहिले पनि जारी रहेको प्रहरीले बताएको छ ।
