काठमाडौं, असोज २७- काठमाडौंको कागेश्वरी मनोहरा नगरपालिका वडा नम्बर ७ मा रहेको श्री आनन्द भैरव माध्यमिक विद्यालयले विजया दशमी, शुभ दीपावली, नेपाल सम्बत् तथा छठ पर्वको पावन अवसरमा शुभकामना आदान प्रदान कार्यक्रम गरेको छ ।
विद्यालयकी प्रधानाध्यापक सरस्वती थापा कार्कीको सभापतित्व तथा नगरपालिकाका मेयर उपेन्द्र कार्कीको प्रमुख आतिथ्यमा शुक्रबार सम्पन्न कार्यक्रममा बिशेष अतिथि वडाअध्यक्ष भीमसेन थापालगायत स्थानीय जनप्रतिनिधि, शिक्षक, तथा विद्यार्थीहरुको उल्लेख्य उपस्थिति रहेको थियो ।
कार्यक्रममा विजया दशमीमा गरिने विभिन्न क्रियाकलापहरुसमेत प्रस्तुत गरिएको थियो । भने विद्यार्थीहरुले गायन, नृत्य प्रस्तुत गरेका थिए ।
कार्यक्रममा सभापति र प्रमुख अतिथिले टीका, जमरा लगाउँदै आशीर्वाद प्रदान गर्नुका साथै विद्यार्थीलाई टीका लगाएर दक्षिणा प्रदान गरिएको थियो ।
धार्मिक संस्कृतिको जगेर्ना गर्न र विद्यार्थीलाई चाडपर्वको बारेमा जानकारी गराउने उद्देश्यले विद्यालयले हरेक वर्ष कार्यक्रम गर्दै आइरहेको छ ।
