काठमाडौं । प्रधानमन्त्री पुष्पकमल दाहाल ‘प्रचण्ड’ ले वरिष्ठ नेत्र चिकित्सक डा.सन्दुक रुइतलाई बधाई दिएका छन् । डा. चिकित्सक रुइतले प्रतिष्ठित इसा अवार्ड प्राप्त गरेकाले प्रधानमन्त्रीको बधाई आएको हो ।

सामाजिक सञ्जाल ट्वीटमा आज बधाइ सन्देश पोष्ट गर्दै प्रधानमन्त्री प्रचण्डले मानव कल्याणको क्षेत्रमा उनले खेलेको योगदानको प्रसंशा गर्नुभएको छ । डा.रुइतले राज्यसँग गरेको अपेक्षालाई गम्भीरतापूर्वक लिइने प्रधानमन्त्री प्रचण्डको भनाइ छ ।

प्रधानमन्त्रीले लेखेका छन्, “वरिष्ठ नेत्र चिकित्सक डा। सन्दुक रुइतले प्रतिष्ठित इसा अवार्ड प्राप्त गर्नुभएकोमा हार्दिक बधाई ज्ञापन गर्दछु । राज्यसँग उहाँले गरेका अपेक्षालाई सरकारले गम्भीरतापूर्वक लिनेछ ।”