बैतडी, साउन १३- बैतडीमा आज बिहान छोराले आफ्नै बुबाको हत्या गरेका छन् ।

डिलाशैनी गाउँपालिका– ५ शेराका ६८ वर्षीय अन्तराम जोशीको उनका २२ वर्षीय छोरा लोकराज जोशीले बिहान बन्चरो प्रहार गरि हत्या गरेको प्रहरीले जनाएको हाे । बिहान घरमै ठेंकी सफा गरिरहेका अन्तरामलाई लोकराजले बन्चरो प्रहार गरेका गाउँपालिकाका प्रवक्ता यज्ञराज भट्ट यदुले जानकारी दिए ।

डिप्रेसनमा रहेका लोकराजले बन्चरो प्रहार गरेका हुन् । टाउकोमै चोट लागेका अन्तरामकाे घटनास्थलमै मृत्यु भएको थियो । बन्चरो प्रहार गर्ने लोकराजलाई नियन्त्रणमा लिइएको बैतडीका प्रहरी प्रवक्ता प्रहरी निरीक्षक लोकराज जोशीले जानकारी दिए ।