काठमाडौं, असार १७- दुर्व्यवहार गरेको भन्दै रेस्लर अस्मिता जुरेलीले युवा संघ नेपालका केन्द्रीय सदस्य हिक्मत बोहराविरूद्ध प्रहरीमा जाहेरी दिएकी छन् ।

ललितपुरको फर्सिडोलमा धान रोप्ने कार्यक्रममा आफूमाथि दुर्व्यवहार भएको भन्दै जुरेलीले प्रहरीमा जाहेरी दिएकी हुन् । असार १५ मा युवासंघले आयोजना गरेको धान दिवसमा युवासंघका केन्द्रीय सदस्य बोहराले आफूलाई दुव्र्यवहार गरेको जुरेलीको आरोप छ ।

उनले दुर्व्यवहार र अभद्र व्यवहार गरेको भन्दै जाहेरी दिएकी छन् ।

उनीमाथि दुर्व्यवहार भएका भिडिओहरू सामाजिक सञ्जालमा समेत आएका थिए ।

जुरेलीले दिएको जाहेरी दर्ता गरेर अनुसन्धान अघि बढाएको जिल्ला प्रहरी परिसर ललितपुरका एसपी सिद्धिविक्रम शाहले बताए ।