अमेरिकाको एक विद्यालयमा गोली प्रहार, २ शिक्षक र २ विद्यार्थीको मृत्यु

काठमाडौं । अमेरिकाको जर्जियामा एक १४ वर्षीय बालकले गोली प्रहार गरी ४ जनाको हत्या गरेका छन् ।

गोली प्रहारबाट मारिनेमा २ जना शिक्षक र दुई जना १४ वर्षका विद्यार्थी रहेको पुष्टि भएको छ । ९ जनालाई अस्पताल भर्ना गरिएको छ ।

विन्डरस्थित अपलाची हाईस्कुलमा गोली चलाउने १४ वर्षीय बालक कोल्ट ग्रेलाई प्रहरी नियन्त्रणमा रहेका छन् ।

जर्जिया ब्यूरो अफ इन्भेस्टिगेशनका निर्देशक क्रिस होसीले अपलाची हाई स्कूलमा सामूहिक गोलीकाण्डमा दोषी ठहरिएका १४ वर्षीय विद्यार्थी कोल्ट ग्रेलाई आज राति जेलमा राखिने बताए ।