काठमाडौं । काठमाडौँमा जारी आईसीसी महिला टी-२० विश्वकप ग्लोबल छनोटमा आज स्कटल्यान्डसँग पराजित भए सँगै नेपालको सपना अधूरै रहेको छ।
स्कटल्यान्डले दिएको १ सय ४१ रनको लक्ष्य पछ्याएको नेपाल १३.५ ओभरमा ६८ रनमा अलआउट भयो।
समुह चरणमा तीन खेलमा जित र एक खेलमा हार भोगेसँगै नेपाल ग्लोबल छनोटबाटै बाहिरिएको हो।
नेपालका लागि ओपनर बिन्दु रावलले सर्वाधिक १४ रन बनाइन्। रोमा थापा १४ रनमा अविजित रहिन्। रुविना क्षेत्रीले १० रन थपिन्। अन्य ब्याटरले दोहोरो अंकको स्कोर छुन सकेनन्।
पहिलो इनिङ्समा सानदार सुरुवात गरेको नेपाली टोली दोस्रो इनिङ्समा सम्हालिन सकेन।
त्यसअघि कीर्तिपुरस्थित त्रिवि क्रिकेट मैदानमा नेपालले टस जितेर फिल्डिङ रोजेपछि ब्याटिङ गरेको स्कटल्यान्डस निर्धारित २० ओभरमा १ सय ४० रन बनाउँदा अलआउट भयो।
नेपालका लागि मनिषा उपाध्यायले सर्वाधिक ४ विकेट लिइन्। ग्लोबल छनोटमा पहिलो खेल खेलेकी मनिषाले आफ्नो ओभरमा १७ रन खर्चेर ४ विकेट लिइन्।
रुविना क्षेत्रीले ओपनर विन्३ विकेट लिइन्। उनले ४ ओभरमा २३ रन दिइन्। उनले अन्तिम ओभरमा लगातार २ विकेट लिदै स्कटल्यान्डलाई कम स्कोरमा रोकिन्।
रिया शर्मा। सीता रानामगर र कविता जोशीले समान एक विकेट आफ्नो नाममा गरे।
मनिषा उपाध्यायले पहिलो ओभरमा नै २ विकेट लिदै नेपाललाई उत्कृष्ट सफलता दिलाएकी छिन्। मनिषाले ओभरको दोस्रो बलमा ओपनर क्याथेरिन फ्रासर र चौथो बलमा डेर्सी कार्टरलाई पेभेलियनको बाटो देखाइन्।
स्कटल्यान्डका लागि प्रियानाज चट्टेर्जीले सर्वाधिक ४५ रनमा अविजित रहिन्। एल्सा लिस्टरले २२, सराह वर्सीले १८ र मेगन मेकोलले १७ रन थपिन् ।
