काठमाडौं । निर्वाचन आयोगले नेपाली कांग्रेसभित्र चर्किरहेको महाधिवेशन विवादलाई नजिकबाट हेरिरहेको जनाएको छ ।
आज आयोगले गरेको पत्रकार सम्मेलनमा बोल्दै प्रवक्ता सहसचिव नारायणप्रसाद भट्टराईले कांग्रेसको महाधिवेशन विवाद दलको आन्तरिक विषय भएको बताए ।
उनले भने, ‘आन्तरिक विषयमा धेरै हस्तक्षेपरप्रवेश नगर्ने नीति लिएको हुनाले अहिलेसम्म केही धारणा बनाइसकेको छैन । राजनीतिक दललाई नजिकबाट निकाल्ने कुरा त आयोगको जिम्मेवारी नै हो । थाहा छैन भन्ने कुरा त होइन, तर दलभित्रको लोकतन्त्रको विषय भएकाले आयोग प्रवेश गरिसकेको छैन ।’
महामन्त्रीद्वय गगन थापा र विश्वप्रकाश शर्माले विशेष महाधिवेशन आह्वान गरेपछि कांग्रेस विभाजनको डिलमा पुगेको छ ।
