काठमाडौं, चैत १७- पोखरामा अनौठो तरिकाले बस दुर्घटना भएको छ । उक्त दुर्घटनाको तस्बिर सामाजिक सञ्जालमा भाइरल पनि बनेको छ ।
दुर्घटनाग्रस्त बस बीच सडकमा ठिंग उभिएको छ ।
बसको अघिल्लो भाग भुइँमा र पछाडिको भाग आकाशतिर फर्किएर बस टक्कले अडिएको छ ।
जिल्ला प्रहरी कार्यालय कास्कीका प्रवक्ता डिएसपी सूर्यबहादुर रानाका अनुसार उक्त दुर्घटना पोखरा महानगरपालिका-२७ आरूपाटामा भएको हो । ब्रेक फेल भएर दुर्घटना भएको बुझिएको छ ।
दुर्घटनाबाट गाडीका चालक पोखरा महानगरपालिका-२७ का टिकाराम विक र सहचालक पोखरा महानगरपालिका- १४ चाउथेका शालिकराम सुवेदी घाइते भएका छन् ।
उनीहरूको उपचार भइरहेको डिएसपी रानाले जानकारी दिए ।
उनका अनुसार अहिले पनि बस बीच सडकमै ठींग उभिएको छ ।
बीच सडकमा बस उभिँदा अन्य सवारी साधन चल्न सकेका छैनन् ।
