काठमाडौं, कात्तिक २३- काठमाडौंको कागेश्वरी मनोहरा नगरपालिका वडा नम्बर ७ मुलपानीमा शनिबार सांस्कृतिक कार्यक्रम हुने भएको छ ।

नेपाली हिन्दु धर्मालम्बीहरुको दोश्रो ठुलो पर्व शुभदीपावलीको अवसरमा हुन लागेको उक्त कार्यक्रममा लोक दोहोरी गायक नवराज घोरासैनी, लोक दोहोरी गायिका कल्पना दाहाल र नेपाली सुगम संगीतका लोकप्रिय गायक शिव परियारको बेजोड प्रस्तुति रहने छ ।

पिपलबोट युथको आयोजना तथा नगरपालिकाको बिशेष सहयोगमा मुलपानीको पिपलबोटमा उक्त कार्यक्रम हुन लागेको हो ।

कार्यक्रममा स्थानीय कलाकार लाइभ प्रस्तुति रहने आयोजकले जानकारी दिएको छ ।