काठमाडौं । राष्ट्रपति रामचन्द्र पौडेलले सार्वजनिक सेवा प्रवाह चुस्त–दुरुस्त हुनुपर्ने बताएका छन् ।
आज संघीय संसद्का दुवै बैठकलाई संयुक्त सम्बोधन गर्दै भ्रष्टाचार नियन्त्रण गरी सुशासनको प्रत्याभूति दिलाउनुपर्ने बताए ।
“भ्रष्टाचार नियन्त्रण गरी सुशासनको प्रत्याभूत गर्न तथा आमनागरिकमा राज्यको अनुभूति दिलाउन सार्वजनिक सेवा प्रवाह चुस्तदुरुस्त हुनुपर्छ,” उनले भने ।
पौडेलले सरकारले ढिलासुस्ती हटाएर सेवा प्रवाहको व्यवस्था मिलाउने विश्वास पनि व्यक्त गरे
“ढिलासुस्ती र अनियमितता हटाएर नागरिकले घरदैलोमा नै सरकार छ भन्ने अनुभूति गर्ने गरी सेवा प्रवाहको व्यवस्था मिलाउन सरकारले कुनै कसर बाँकी राख्ने छैन भन्ने मेरो विश्वास छ,” उनले भने ।
