धनुषा, जेठ ५- जनकपुरधाममा कारले मोटरसाइकललाई ठक्कर दिँदा पत्रकार शिवेन्द्र रोहिताको मृत्यु भएको छ ।
पत्रकार रोहिता सवार प्रदेश२ज ५६९४ नम्बरको मोटरसाइकललाई जनकपुरधाम उपमहानगरपालिका–९ थापाचोकमा शनिबार बिहान बा२१च ३३४३ नम्बरको कारले ठक्कर दिँदा उनको घटनास्थलमै मृत्यु भएको हो ।
धनुषाको सहिदनगर नगरपालिका–८ घर भएका ३२ वर्षीय रोहिता ‘जनकपुर अनलाइन’का सञ्चालक तथा मकालु खबरमा कार्यरत थिए ।
मोटरसाइकलको पछाडि सवार २५ वर्षीय जयनाथ यादव घाइते भएका छन् ।
उनको जनकपुरको सीता अस्पतालमा उपचार भइरहेको छ ।
कार चालकलाई नियन्त्रणमा लिएर घटनाको अनुसन्धान गरिरहेको प्रहरीले बताएको छ ।
