काठमाडौं, चैत २९- सिन्धुलीमा एनसेलको टावरमा कुकर बम विस्फोट भएको छ ।
आज बिहान साढे १ बजे सिन्धुलीको कमलामाई नगरपालिका-४ स्थित एनसेलको टावरमा कुकर बम विस्फोट भएको हो ।
जिल्ला प्रहरी कार्यालय सिन्धुलीका प्रवक्ता डिएसपी चिरञ्जिवी दाहालका अनुसार विस्फोटको सूचनापछि बिहानै २ बजे प्रहरीको टोली घटनास्थल पुगेको थियो ।
विस्फोटबाट एनसेलको टावरका केही तारहरू जलेको उनले बताए ।
विस्फोट भएको स्थानमा जनमुक्ति सेना नेपाल लेखिएको पर्चा भेटिएको डिएसपी दाहालले जानकारी दिए ।
यसअघि गत चैत २ गते सिन्धुलीकै सुनकोशी गाउँपालिका-१ दुम्जामा नेपाल टेलिकमको टावरको कम्पाउन्ड भित्र बम विस्फोट भएको थियो ।
उक्त विस्फोटमा पनि यही समूहको संलग्ना रहेको र विस्फोट गराउनेहरूको खोजी भइरहेको उनले जानकारी दिए ।
