काठमाडौं,साउन २९– आज सुनको मूल्य बढेको छ । कारोबार साताको पहिलो दिनआइतबार स्थिर रहेको सुनको मूल्य आज कारोबार साताको दोश्रो दिन भने आंशिक बढेको हो ।

नेपाल सुनचाँदी व्यवसायी महासंघका अनुसार आज छापावाल सुनको मूल्य तोलामा २०० रुपेयाँले वृद्धि भइ प्रतितोला १ लाख ११ हजार ३०० रुपैयाँ रहेको छ । यस्तै तेजावी सुन तोलामा १ लाख १० हजार ७५० रुपैयाँमा कारोबार भइरहेको छ ।

आज चाँदीको मूल्य भने स्थिर रहेको छ । शुक्रबार तोलामा ५ रुपैयाँ घटेर १ हजार ३७५ रुपैयाँमा कारोबार भएकोमा हिजो आइतबार र आज सोमबार पनि सोही मूल्यमा कारोबार भइरहेको छ ।