काठमाडौं, भदौ २४- प्रधानमन्त्री शेरबहादुर देउवाले संयुक्त अधिराज्य बेलायतकी महारानी एलिजाबेथ द्वितीयको निधनप्रति दुःख व्यक्त गरेका छन् ।

आज शुक्रबार एक ट्विट गर्दै प्रधानमन्त्री देउवाले महारानी एलिजाजेथको निधनले नेपाल र नेपाली जनताले एक महान् प्रशंसक गुमाएको उल्लेख गरेका छन् ।

सन् १९६१ र सन् १९८६ मा महारानी एलिजाबेथका दुई राजकीय भ्रमणलाई स्मरण गर्दै देउवाले एलिजाबेथको निधनले नेपाल र नेपाली जनताले आफूलाई माया गर्ने एक व्यक्तित्व गुमाएको उल्लेख गरे ।​

महारानी एलिजाबेथको ९६ वर्षको उमेरमा बिहीबार राति निधन भएको हो ।