चितवन, साउन ६- पृथ्वी राजमार्गअन्तर्गत चितवनको इच्छाकामना गाउँपालिका–३ चुम्लिङटारमा दुईवटा गाडी ठोक्किँदा एक जनाको मृत्यु भएको छ ।

जिल्ला प्रहरी कार्यालय चितवनका अनुसार हिजाे बेलुका काठमाडौंबाट बझाङका लागि छुटेकाे ना ६ ख १३४० नम्बरकाे बस र भैरहवाबाट काठमाडौंका लागि छुटेकाे लु २ ख ३५०२ नम्बरकाे माइक्रो ठाेक्किँदा एक जना पुरुषको ज्यान गएकाे हाे । उनकाे नयाँ मेडिकल कलेजमा उपचारका क्रममा ज्यान गएकाे हाे । ज्यान गुमाउने पुरुषकाे परिचय खुलेकाे छैन ।

दुर्घटनामा दुवै गाडीका गरी १७ जना घाइते भएका जिल्ला प्रहरी कार्यालयका प्रवक्ता नरहरि अधिकारीले जानकारी दिए ।

घाइतेमध्ये पाँच जनाको नयाँ मेडिकल कलेज भरतपुर र १२ जनाको पुरानो मेडिकल कलेजमा उपचार भइरहेको प्रहरीले जनाएको छ ।