काठमाडौं । सुनचाँदीकै मूल्य आज थप घटेको छ। बजारमा आज सुनको भाउ तोलामा १ हजार रुपैयाँ घटेको हो। आइतबार पनि सुनचाँदीकै मूल्य घटेको थियो।

नेपाल सुनचाँदी व्यवसायी महासङ्घका अनुसार आजको लागि छापावाला सुनको मूल्य तोलाको एक लाख ६५ हजार निर्धारण भएको छ।

हिजो सुन तोलाको एक लाख ६६ हजारमा कारोबार भएको थियो।

आज चाँदीको मूल्य पनि तोलामा पाँच रुपैयाँ घटेको छ। आइतबार प्रतितोला एक हजार नौ सय ६० रुपैयाँमा कारोबार भएको चाँदीको मूल्य आज एक हजार नौ सय ५५ रुपैयाँ निर्धारण भएको छ ।