विराटनगर । नेपाली कांग्रेसका नेता डा शेखर कोइरालाले कांग्रेस सरकारमा नजाँदैमा नखुम्चिने बताएका छन् । विराटनगरस्थित कोइराला निवासमा प्रदेशसभामा कांग्रेसबाट निर्वाचित सांसदहरुको लागि आज आयोजित चियापान कार्यक्रममा बोल्दै नेता कोइरालाले कांग्रेस आफैमा ठूलो पार्टी भएकोले सरकारमा नजाँदैमा कमजोर नबन्ने बताएका हुन् ।

उनले भने, “कांग्रेसका सरकारमा नजाँदैमा खुम्चिदैन् । हामी प्रतिपक्षमा रहेकाले त्यही भूमिका निर्वाह गर्ने छौं । अब सरकार र सडकमा हामी थप सक्रिय बन्ने छौं ।” हिजोका दिनमा कांग्रेस सरकारको नेतृत्वमा हुँदा गरेका गलत कुराको आफूले आलोचना गरेको र अब बन्ने सरकारले गर्ने गलत कामबारे पनि बोल्ने उनको भनाई छ । “गलतलाई गलत नै भन्ने हो त्यो आँट राखेर म अगाडि बढेको छु । नेपाली कांग्रेसकै सरकारको गलत कुरा पनि भनिएको हो अब पनि भन्ने हो,” उनले भने ।