दोलखा, भदौ २४- दोलखामा एक पुरुष मृत भेटिएका छन् । जिल्लाको कालीञ्चोक गाउँपालिका–९ सुन्द्रावतीस्थित फेदीमा सोही वडा निवासी ४८ वर्षीय भुवन पकुवालको शव फेला परेको हो ।

घरदेखि केही टाढा खेतको पानी लगाउने कुलोमा घोप्टो परेर लडेको अवस्थामा शव फेला परेको जिल्ला प्रहरी कार्यालय दोलखाले जानकारी दिएको छ ।

मृतक पकुवालको शरीरमा भने कुनै चोटपटक देखिएको छैन । शव हाल परीक्षणका लागि जिल्लास्थित पशुपति चौलागाई स्मृति अस्पतालमा राखिएको छ ।

घटनाका विषयमा थप अनुसन्धान भइरहेको प्रहरीले जनाएको छ ।