Advertisement
काठमाडौं । आईसीसी पुरुष विश्वकप लिग–२ अन्तर्गत नेपालले ओमानलाई ११३ रनले हराएको छ।
आज भएको खेलमा नेपालले दिएको २६४ रनको लक्ष्य पछ्याएको ओमान १५० रनमै अलआउट भयो।
नेपालले निर्धारित ओभरमा ८ विकेट गुमाएर २६३ रन बनाएको थियो। रोहित पौडेलले सर्वाधिक ६१ रन बनाए भने अर्जुन कुमालले ४०, बसिर अहमदले ३७ र करण केसीले आक्रामक ब्याटिङ गर्दै १६ बलमा ४० रन जोडे।
ओमानका कप्तान विनायक शुक्लाले ७७ रन बनाए पनि टोलीलाई जिताउन सकेनन्। नेपालको बलिङमा नन्दन यादव र सन्दीप लामिछानेले ३–३ विकेट लिए भने दीपेन्द्रसिंह ऐरीले २ विकेट झारे।
जितसँगै नेपालले ३४ खेलबाट २८ अंक जोडेको छ। नेपाल अंकतालिकाको छैटौँ स्थानमा छ भने ३३ अंकसहित ओमान चौथो स्थानमा छ।
