२ साउन, काठमाडौं । रास्वपा सभापति रवि लामिछानेले सरकारको नियतप्रति कुनै शंका नरहेको भन्दै निर्णय कार्यान्वयनका क्रममा समस्या देखिए सच्याउन सकिने बताएका छन् ।
रौतहटका पार्टी नेता–कार्यकर्तासँगको छलफलमा उनले किसान, मजदुर वा विपन्न वर्गलाई असर पर्ने नीति व्यवहारमा गलत सावित भए तत्काल संशोधन गरिने स्पष्ट पारे ।
उनका अनुसार ठूलो क्षति हुने अवस्था आए निर्णय रातारात पनि परिवर्तन हुन सक्छ ।
लामिछानेले कुनै पनि सरकारले जनताको हितविपरीत नीति कायम नराख्ने उल्लेख गर्दै धैर्य राख्न आग्रह गरे ।
साथै, पार्टी गलत बाटोमा गएको महसुस भए नेता–कार्यकर्तालाई खबरदारी गर्न आग्रह गर्दै आवश्यक परे पार्टीले अभिभावकीय भूमिका निर्वाह गर्ने विश्वास दिलाए
