काठमाडौँ । आगामी फागुन २१ गते हुन गइरहेको प्रतिनिधिसभा निर्वाचनमा म्याग्दीबाट स्वतन्त्र उम्मेदवारी दिएका महावीर पुनले मतदाताले नै आफूलाई चुनावी खर्च उठाइदिने गरेको बताएका छन् ।
सामाजिक सञ्जालमा उनले लेखेका छन्– भोट माग्न गाउँ गाउँ जाँदा मतदाताहरूले मलाई चुनाव खर्च भनेर पैसा दिइरहेका छन्। उम्मेदवारले पैसा बाँडेर भोट माग्छन् भन्ने सुनिन्छ। मलाई ता उल्टै पैसा दिइरहेका छन्।
पुनले चन्दाको सबै हिसाब किताब प्रस्टसँग सार्वजनिक गर्ने प्रतिबद्धता समेत जनाएका छन् । पैसामात्र नभई धेरै जसो गाउँमा खान बस्न पनि जनताले नै स्पोन्सर गरेको उनले उल्लेख गरेका छन् ।
