काठमाडौं । जापानको चार दिने भ्रमणमा रहेका राष्ट्रपति रामचन्द्र पौडेलसँग जापानका विदेश राज्यमन्त्री होरी इवाओले शिष्टाचार भेटवार्ता गरेका छन् ।
टोकियोमा सोमबार भेटवार्ता भएको परराष्ट्र मन्त्रालयले जनाएको छ । भेटमा नेपाल–जापान सम्बन्ध र सहयोगसम्बन्धी विषयमा छलफल भएको थियो ।
यसैगरी सोमबार नै राष्ट्रपति पौडेलसँग टोकियोमा जापानका प्रमुख व्यवसायी, उद्यमी र लगानीकर्ताहरूले भेट गरेका थिए ।
बैठकमा नेपाली पक्षले ‘नेपालमा व्यवसाय र लगानीका अवसरहरू’ बारे प्रस्तुति दिएको थियो । त्यसपछि जापानी र नेपाली व्यापारिक समुदायका प्रतिनिधिहरूबीच छलफल भएको थियो ।
जापानी व्यवसायी, उद्यमी र लगानीकर्ताहरू सम्बोधन गर्दै राष्ट्रपति पौडलले नेपालमा लगानी गर्न आग्रह गरेका थिए ।
