काठमाडौँ । नेपाल प्रहरीका पाँच जना प्रहरी वरिष्ठ उपरीक्षक (एसएसपी) हरुको सरुवा भएको छ । गृहमन्त्री रमेश लेखकले एसएसपीहरूको सरुवाको निर्णय गरेका हुन् ।
त्रिभुवन विमानस्थल सुरक्षा कार्यालयमा सोमेन्द्रसिंह राठौरलाई पठाइएको छ ।
उपत्यका ट्राफिक प्रहरी कार्यालयमा विनोद घिमिरे, नेपाल प्रहरी शिक्षालय भरतपुरमा भूपेन्द्र खत्री र जिल्ला प्रहरी परिसर ललितपुरमा श्यामकृष्ण अधिकारीलाई सरुवा गरिएको छ ।
बाँकेमा बस्दा अधिकारी विवादमा तानिएका थिए । ललितपुरमा कार्यरत शेखर खनाललाई उपत्यका प्रहरी कार्यालयमा सरुवा गरिएको गृह मन्त्रालयका एक जना उच्च अधिकृतले बताए ।
