काठमाडौं, असार २३- सप्तकोशी नदीको जलसतह बढ्दै गएपछि कोशी ब्यारेजका ५६ वटै ढोका खोलिएको छ ।
केहीबेर अघिको मापनमा कोशी ब्यारेजमा ३ लाख ६८ हजार क्युसेक पानी मापन गरिएको र ५६ वटा ढोका खोलिएको सुनसरीका प्रमुख जिल्ला अधिकारी रामचन्द्र तिवारीले बताए ।
पूर्वी पहाडी जिल्लाहरूमा लगातार परेको वर्षाका कारण सप्तकोशी नदीमा पानीको बहाब शनिबारदेखि बढेको हो ।
कोशी ब्यारेजका सबै ढोका खोलिएपछि आसपासका क्षेत्रमा खतरा टरेको छ भने कोसीमा दाउरा खोज्न, माछा मार्न र डुङ्गा चलाउन रोक लगाइएको छ ।