काठमाडौं, असार २१- सिन्धुपाल्चोकको भोटेकोशी गाउँपालिका-४ मा निर्माणाधीन भोटेकोशी जलविद्युत् आयोजनाको ढलान खस्दा दुई जना कामदार पुरिएका छन् ।
जिल्ला प्रहरी कार्यालय सिन्धुपाल्चोकका प्रहरी नायब उपरीक्षक (डीएसपी) निरञ्जन भट्टराईका अनुसार आयाेजनाकाे बाँधतर्फ पानी जाने पट्टीको ढलान एक्कासी खस्दा ठाकुरबावा नगरपालिका– ३ का ३० वर्षीय रामदिन थारु र सोही नगरपालिका ५ का ३० वर्षीय सुमन थारु ढलानले पुरिएर बेपत्ता भएका हुन् ।
उनीहरूको खोजी भइरहेको छ ।
यस्तै ढलान खस्दा घाइते भएका १० जनालाई प्राथमिक उपचारपछि बाह्रबीसे अस्पताल पठाइएको छ । भोटेकोशी क्षेत्रमा अहिले ठूलो पानी परिरहेको छ ।