वीरगन्ज, मङ्सिर ५- पप्पु कन्स्ट्रक्सनका पूर्वसञ्चालक हरिनारायण रौनियार एमाले प्रवेश गरेका छन् । पूर्वसांसद समेत रहेका रौनियारलाई कार्यक्रममा एमाले अध्यक्ष केपी शर्मा ओलीले फूलमाला र टीका लगाएर पार्टी प्रवेश गराएका हुन् ।

रौनियार २०७४ को निर्वाचनमा जनता समाजवादी पार्टीको टिकटबाट पर्सा निर्वाचन क्षेत्र नं. ३ बाट निर्वाचित भएका थिए ।

राजनीतिमा सक्रिय भएपछि उनले पप्पु कन्स्ट्रक्सनको अध्यक्ष पद छाडेका थिए ।

पर्साको पोखरियामा मंगलबार आयोजित आमसभा तथा पार्टी प्रवेश रौनियारसँगै नेपाल सुशासन पार्टीकी केन्द्रीय सदस्य विना देवीलगायत विभिन्न पार्टीका नेता तथा कार्यकर्ता एमाले प्रवेश गरेका छन् ।