काठमाडौं । नेकपा माओवादी केन्द्रका अध्यक्ष पुस्पकमल दाहाल प्रचण्डले मंसिर ४ गते हुने प्रतिनिधि र प्रदेशसभा निर्वाचलाई पाण्डव र कौरवको महाभारत युद्धसँग तुलना गरेका छन् । पश्चिम नवलपरासीमा आज मंगलबार सत्ता गठबन्धनद्वारा आयोजित चुनावी सभालाई सम्बोधन गर्दै अध्यक्ष प्रचण्डले जनतालाई पाण्डवहरूको पक्षमा मतदान गर्न आग्रह गरेका छन् ।
प्रचण्डले भने ‘मंसिर ४ मा जनताले कौरव र पाण्डवमध्ये एक रोज्नुपर्ने अवस्था छ, जनताको अभिमतको अवमूल्यन गर्ने कौरवहरूको पराजय निश्चित छ,’ ‘मतदाताले लोकतान्त्रिक वाम गठबन्धनको ५ पाण्डवका उम्मेदवारहरूलाई विजय गराउने छन् ।’
उक्त सभामा कांग्रेस केन्द्रीय सदस्य तथा क्षेत्र नम्बर १ का उम्मेदवार विनोद चौधरीले आफूले यस क्षेत्रका जनताले भोगेको मल, बिउ, डुबान तथा बेरोजगारी समस्यालाई योजनाबद्ध रुपमा समाधान गर्ने प्रतिबद्धता व्यक्त गरेका छन् ।
