२१ बैशाख, काठमाडौं । नेपाली कांग्रेस संसदीय दलका नेता भीष्मराज आङ्देम्बेले गृहजिल्ला पाँचथर पुगेर क्रियाशील सदस्यता अद्यावधिक गराएका छन् ।
फाल्गुनन्द गाउँपालिका–१, नवमीडाँडा पुगेर उनले आफ्नो क्रियाशील सदस्यता अद्यावधिक गराएका हुन् ।
यही वैशाख महिनाभरि क्रियाशील सदस्यता अद्यावधिकका निम्ति समयसीमा तोकिएको छ । वैशाख १ गते पार्टी सभापति गगन थापाले काठमाडौं महानगरपालिका–३० मा आफ्नो सदस्यता अद्यावधिक गर्दै यो अभियान थालिएको थियो ।
कांग्रेसले ‘जरा अभियान’ नाम दिएर क्रियाशील सदस्यता अद्यावधिक गरिँदै छ । यसनिम्ति कांग्रेसले हरेक जिल्लामा केन्द्रीय प्रतिनिधि खटाएको छ ।
