काठमाडौं । यही फागुन २१ गते निर्वाचन नहुने भन्दै अफवाह फैलाएको आरोपमा मंगलबार (फागुन १९) प्रहरीले एक ज्योतिषीलाई पक्राउ गरेको छ ।
काठमाडौं उपत्यका अपराध अनुसन्धान कार्यालयको टोलीले ज्योतिषी पण्डित रुद्रनाथ अधिकारीलाई पक्राउ गरेको हो । उनलाई जिल्ला प्रहरी परिसर काठमाडौंमा बुझाइएको छ ।
परिसरका एसपी पवनकुमार भट्टराईका अनुसार, अधिकारीले फागुन २१ मा चुनाव हुँदैन भनेर सामाजिक सञ्जालमा भिडियो सन्देश सार्वजनिक गरेका थिए ।
“चुनाव हुँदैन भनेर अफवाह फैलाएपछि पक्राउ गरिएको छ । उहाँमाथि अनुसन्धान हुँदै छ,” एसपी भट्टराईले भने ।
