काठमाडौं, कात्तिक १३- दलित एकता संजाल नेपाल, राष्ट्रिय समन्वय समिति कतारले नेपालीहरुकाे महान पर्वहरु बडा दशै, शुभदिपावली, नेपाल सम्बत् तथा छठ पर्वकाे अवसरमा बृहत सांस्कृतिक कार्यक्रम संगै आन्तरिक शुभकामना आदानप्रदान तथा सम्मान कार्यक्रम कार्यक्रम सम्पन्न गरेको छ ।
“दलित एकता आजकाे आवस्यकता छुवाछूत मुक्त समाज निर्माणमा सम्पूर्ण नेपालीहरुकाे सहभागीता” भन्ने मुलनाराका साथ सन् २०१३ मा स्थापित संजालले कतारको सल्वाराेडस्थित ग्रिन रेस्टुरेन्टकाे सभाहलमा शुक्रबार (२८ अक्टाेबर)का दिन सम्पन्न गरेकाे हो ।
सन्जाल कतारका नवनिर्वाचित अध्यक्ष किरण परियारको सभापतित्व तथा संजाल कतारकी सस्थापक अध्यक्ष ईन्दु लावरको प्रमुख आतिथ्यमा सम्पन्न कार्यक्रममा नव निर्वाचित बरिष्ठ उपाध्यक्ष तथा कार्यक्रम संयाेजक प्रकाश बिस्वकर्माले स्वागत मन्तब्य राखेका थिए ।
कार्यक्रममा विशिष्ट अतिथिकाे रुपमा बिस्वकर्मा सेवा समाजका उपाध्यक्ष माेहन घताने, परियार मित्रता सेवा समाज कतारका अध्यक्ष सालिकराम परियार, दलित एकता सन्जाल कतारका पुर्व प्रमुख सल्लाहकार कृष्ण गदाल, दलित बुद्धिजीवी तथा पुर्व सल्लाहकार कृष्ण परियार, महिला बुद्धिजीवी उषा परियार, सन्जाल कतार पाचाै अधिबेशन निर्वाचन संयाेजक दलित अगुवा तथा बुद्धिजीवी प्रेम रसाइली, संजालक पुर्व बरिस्ठ उपाध्यक्ष सुमन नेपाली, संजालका निवर्तमान सल्लाहकार तथा स्याङ्जा सेवा समाजका अध्यक्ष प्रकाश परियार, दलित एकता संजाल कतारका निवर्तमान सदस्य तथा हिमालयन खाेज मिडिया संचालक पत्रकार बिमल परियार, दलित बुद्धिजीवी समाजसेवी तथा अर्घाखाँची सेवा समाजका नवनिर्वाचित महासचिव अनिल परियार, बुद्धिजीवी तथा कर्णाली प्रदेस संयाेजक बिजय कुमार बस्याल, सन्जाल कतार निवर्तमान कार्यबाहक महासचिव अमृत बिस्वकर्मा, दलित अभियन्ता बिकि बिक लगायत अन्य दलित बुद्धिजीवीहरुले शुभकामना मन्तब्य राखेका थिए ।
कार्यक्रमलाई दलित एकता सन्जाल कतारका नवनिर्वाचित महासचिव क्षितिज किरण गैरेले सन्चालन गरेका थिए ।
कार्यक्रममा “तिहारै आयाे लाै झिल्ली मिली” भन्ने स्वागत नृत्य कलाकार रेस्मा बिस्वकर्मा र साजना स्वर्णकारले प्रस्तुत गरेका थिए । साथै कार्यक्रम देउसी भैलाे खेलीएकाे थियाे ।
कार्यक्रममा संगितकार तथा गायक मंगल बिक, लाेक गायिका रेस्मा बिस्वकर्मा, कलाकार बाबू काैसल, लाेकगायक कृष्ण ताम्राकार, नृत्यकार साजना स्वर्णकार, गायक अमृत परियार, गायक सुरज बिसीलगायतले सांगीतिक प्रस्तुति राखेका थिए ।
कार्यक्रममा सम्मान स्वरुप दर्जनाै चेलिहरुलाई दाेसल्ला ओडायर स-सम्मान गरियकाे थियाे ।
कार्यक्रममा प्रमुख अतिथि ईन्दु लावरले बडा दशै, तिहार, नेपाल सम्बत तथा छठ पर्वकाे रचनात्मक शैलीमा शुभकामना ब्यक्त गरेकी थिइन् ।
कार्यक्रमकाे अन्तिममा सभापति किरण परियारले कार्यक्रम सभ्य र भब्य बनाउन सबैले साथ दिएकाेमा धन्यवाद दिंदै मन्तब्य राखेका थिए ।
