काठमाडौं, भदौ १०- डोल्पा जिल्ला घर भै काठमाडौंमा बसोबास गरिरहेका महिलाहरुले ललितपुरको कुपण्डोलमा हरितालिका तिज विशेष कार्यक्रम सम्पन्न गरेका छन् । कुपण्डोलस्थित एक होटलमा डोल्पाली महिलाहरुले तिजको शुभकामना आदान-प्रदान तथा दरखाने कार्यक्रम सम्पन्न गरेका हुन् ।
शुक्रबार सम्पन्न कार्यक्रममा उनीहरुले नेपाली मौलिक कला संस्कृतिको प्रस्तुत गरेका थिए भने देउडा र तिजका गीतमा छमछमी नाचेका थिए ।
शिक्षिका सुस्मिता देवी राज्यलक्ष्मी राना ‘हमाल’को संयोजकत्वमा भएको उक्त तीज बिशेष कार्यक्रममा डोल्पा जिल्ला घर भै काठमाडौंमा बसोबास गरिरहेका करिब डेड सय महिलाहरुको उपस्थिति रहेको थियो ।
कार्यक्रममा कार्यक्रमकी संयोजक रानाले तिजले पर्वसँगै नारीहरूको स्वच्छदताको सवाल भएकाले यसमाथि कसैले पनि रोक लगाउने नमिल्ने भन्दै तिज पर्वलाई हर्षोल्लासका साथ मनाउन सबैलाई अनुरोध गरिन् । साथै उनले तिज पर्व मनाउने नाममा बढ्ता तडकभडक र देखासिखी नगर्न पनि अनुरोध गरिन् ।
तस्बिरमा हेर्नुहोस्-
