काठमाडौं, साउन ३१- काठमाडौंबाट फोहोर लिएर बन्चरेडाँडामा पुगेएका ट्रकलाई स्थानीयले रोकेका छन् । मंगलबार दिउँसो स्थानीयले अवरोध गरेपछि बञ्चरेडाँडामा प्रहरीले हवाई फायर गरेको छ ।

बञ्चरेडाँडामा प्रहरीले मकैबारी र धानखेतमा रहेको आन्दोलनकारीलाई लखेटेपछि डाँडामा रहेका स्थानीयले ढुंगा लडाएका हुन् । त्यसपछि प्रहरीले हवाई फायर गरेको थियो ।

स्थानीयलाई सम्झाउँदा पनि नमानेपछि र प्रहरीमाथि ढुंगामुढा गरेपछि पाँच राउन्ड हवाई फायर गरेको जिल्ला प्रहरी परिसर काठमाडौंले जनाएको छ ।

झडपपछि फोहोर विसर्जनको काम रोकिएको छ ।