ललितपुर, साउन १८- ललितपुरको पुल्चोकमा एक पुरूष मृत फेला परेका छन् । बुधबार बिहान पुल्चोकस्थित एक घरमा डेरा गरी बसेका कुमार भनेर चिनिने एक पुरुष मृत फेला परेका हुन् ।

उनी आफ्नै कोठामा झुन्डिएको अवस्थामा फेला परेका हु न्। उनको पुल्चोकमा म:म पसल छ ।

बिहान पसल खोल्न नआएपछि छिमेकीहरू उनलाई घरमा बोलाउन गएका थिए । तर उनले ढोका खोलेनन् ।

ढोका नखोलेपछि स्थानीय आफैंले भर्‍याङ राखेर उनको कोठामा हेरेका थिए । हेर्दा उनी झुन्डिएको अवस्थामा फेला परेका हुन् ।

उनी मृत फेला परेको भन्ने खबर पाएपछि प्रहरीलाई खबर गरिएको थियो ।

छिमेकी इच्छाहर्ष महर्जनका अनुसार उनी दार्जिलिङका हुन् । उनी ३० वर्षयता काठमाडौंमा छन् । सोही घरमा १० वर्षदेखि बस्दै आएका थिए ।

उनको २२ दिन अघि मात्रै श्रीमती पनि बितेको महर्जनले बताए ।