चितवन,असार १४- रक्सी खान पैसा नपाएको झोँकमा चितवनमा एक पुरुषले आफ्नै आमाको हत्या गरेका छन् । आज (सोमबार) दिउँसो सवा तीन बजे माडी नगरपालिका ६ स्याउलिवासका अर्जुन तामाङले ५५ वर्षकी आमा देवी तामाङको हत्या गरेका हुन् ।
जिल्ला प्रहरी कार्यालय चितवनका अनुसार, घरदेखि सय मिटरको दुरीमा पर्ने आफ्नै मकै बारीमा ३७ वर्षका तामाङले पछाडीबाट खुर्पा प्रयोग गरि हत्या गरेका थिए ।
माडीको बसन्तपुर बजारबाट ८ किलोमिटरमा पूर्व दक्षिणमा घट्ना भएको हो । इलाका प्रहरी कार्यालय माडीले तामाङलाई नियन्त्रणमा लिई अनुसन्धान गरिरहेको जिल्ला प्रहरी कार्यालय चितवनका सूचना अधिकारी तथा प्रहरी नायव उपरिक्षक नरहरी अधिकारीले जानकारी दिए । घटनास्थलमा प्रहरीले अनुसन्धानबाट रक्सी खान पैसा नदिएका कारण मायादेवीको हत्या गरेको खुल्न आएको बताएको छ । शव तथा घटना स्थलको थप अनुसंधान भैरहेको छ ।
