१ जेठ, काठमाडौं । परराष्ट्रमन्त्री शिशिर खनाल र चिनियाँ विदेशमन्त्री वाङ यीबीच भेटवार्ता भएको छ ।
आज साँझ भएको भेटमा द्विपक्षीय सम्बन्धका विभिन्न पक्षमा व्यापक छलफल भएको परराष्ट्रमन्त्री खनालले बताएका छन्।
भेटवार्तामा कनेक्टिभिटी, सीमा व्यवस्थापन, व्यापार,प्रविधि हस्तान्तरण र बहुपक्षीय सहयोगका क्षेत्रहरूको विषयमा छलफल भएको थियो ।
भेटपछि खनालले जनस्तरको सम्बन्ध विस्तार गर्नेबारे विचार आदानप्रदान गर्नुका सार्थ दुई देशका पारस्परिक हितका लागि नेपाल–चीन सम्बन्धलाई थप सुदृढ बनाउने साझा प्रतिबद्धतालाई पुनः पुष्टि गरेको बताएका छन् ।
