काठमाडौं । कान्ति लोकपथ सञ्चालनमा आएको छ।
मकवानपुर र ललितपुरको सिमाना बागमती खोलामा ग्राभेल र माटो प्रयोग गरी बनाइएको अस्थायी बाटो बगाएपछि अवरूद्ध भएको सडक दुईतर्फी नै सञ्चालनमा आएको मकवानपुर प्रहरीले जनाएको छ।
वर्षाका खोलाको वहाब बढेपछि शुक्रबार बेलुकी ८ बजेदेखि यातायात पूर्ण रूपमा अवरूद्ध भएको थियो।
शनिबार बिहान पौने ९ बजेदेखि सडक दुईतर्फी नै सञ्चालनमा आइसकेको मकवानपुरका डिएसपी श्यामु अर्यालले जानकारी दिएका छन्।
पानी पर्न थालेसँगै बागमतीमा तीन पटकसम्म डाइभर्सन बगाइसकेको छ। बागमती खोलामाथिको पुल पूर्ण रूपमा बनिसकेको छैन।
