धनुषा। धनुषामा बिहे भोजमा खाजा खाएका झन्डै सय जनाभन्दा बढी बिरामी भएपछि अस्पताल भर्ना भएका छन्। मिथिला विहारी नगरपालिका-८ ठेरा कचुरीका नरेश महराको छोरीको बिहेमा भोज खाँदा बिरामी भएका हुन् ।

जिल्ला जनस्वास्थ्य कार्यालय धनुषाका अनुसार राति जनकपुर उपमहानगरपालिका-२३ बिन्धीबाट ठेरा कचुरीमा गएको जन्तीले खाजामा बुनियाँ, रसबरी लगायतका मिठाइ खाएका थिए। खाजा खानेसाथ सबैलाई पेट दुख्न थालेको बताइएको छ।

बिरामी जन्तीहरूलाई जनकपुरको विभिन्न अस्पतालमा भर्ना गरिएको छ भने केही उपचारपश्चात् घर फर्किएका छन् । बिहेको खाजामा नै विष परेको हुन सक्ने भन्दै जिल्ला स्वास्थ्य कार्यालय धनुषाले घटनास्थल पुगेर खाजाको स्याम्पल लागेको बताएको छ। उक्त स्याम्पल ल्याबमा परीक्षण गरेपछि कारणले पुष्टि हुने बताइएको हो।