सिन्धुपाल्चोक, कात्तिक १९- नेकपा (एकीकृत समाजवादी) सिन्धुपाल्चोकको अध्यक्षमा विनोद खनाल चयन भएका छन् ।शनिबार भएको जिल्ला कमिटीको बैठकले कमिटी पुनर्गठन गर्दै खनालको नेतृत्वमा नयाँ कमिटी गठन गरेको हो ।

बैठकले कमिटीको उपाध्यक्षमा अनिता लामा, सचिवमा कुमारराज घतानी, उपसचिव तथा १ नं क्षेत्रीय कमिटी संयोजकमा नरेन्द्र खड्का, उपसचिव तथा प्रचार विभाग प्रमुखमा ईश्वरीप्रसाद अधिकारी, २ नं क्षेत्रीय संयोजकमा रामलाल बिक (सुदीप ), २ (ख) को संयोजक कामी सुनार, २ (क) संयोजक रामप्रसाद चौलागाई, १ (क) संयोजक मेहरमान विक, १ (ख) संयोजक यज्ञराज न्यौपानेलाई जिम्मेवारीमा पदस्थापन गरेको छ ।

नेकपा एकीकृत समाजवादीका उपमहासचिव तथा बागमती प्रदेश इन्चार्ज डा.गंगालाल तुलाधरको प्रमुख आतिथ्यतामा बैठक सम्पन्न भएको थियो ।