काठमाडौं, भदौ ६- चार देश सम्मिलित महिला टी–२० क्रिकेटमा नेपालले लगातार दोस्रो खेल पनि जितेको छ । आज भएको खेलमा नेपालले कुवेतलाई ३४ रनले हराउँदै लगातार दोस्रो खेल जितेको हो ।
जितका लागि नेपालले दिएको ९० रनको लक्ष्य पछ्याएको कुवेत निर्धारित २० ओभरमा ८ विकेट गुमाउँदै ५५ रनमा समेटियो । कुवेतका लागि जिफा जिलानीले सर्वाधिक ११ तथा खादिजा खलीलले १० रन बनाउनुबाहेक अन्य कुनै पनि खेलाडीले दोहोरो अंकमा रन बनाउन सकेनन् ।
कुवेतलाई ससतैमा समेट्ने क्रममा इन्दु बर्माले सर्वाधिक ३ विकेट लिइन् । खुसी डङ्गोलले २ विकेट लिँदा कविता कुँवर, सिता राना मगर र ईश्वरी बिष्टले १र१ विकेट लिए ।त्यसअघि मलेसियाको बायोमास ओभलमा टस हारेर ब्याटिङ थालेको नेपालले निर्धारित २० ओभरमा ८ विकेट गुमाउँदै ८९ रन बनाएको थियो ।
नेपालका लागि र इन्दु बर्माले सर्वाधिक २३ तथा बिन्दु रावलले २० रन जोडे । काजोल श्रेष्ठले अविजित १९ रन जोडे पनि अन्य खेलाडीले दोहोरो अंकमा रन बनाउन सकेनन् । पहिलो खेलमा नेपालले हङकङलाई ६ विकेटले पराजित गरेको थियो ।
