काठमाडौं, असार ९- भक्तपुरमा एकाबिहानै मोटरसाइकल टिपरसँग ठोक्किदा दुई जनाको मृत्यु भएको छ । सूर्यविनायक नगरपालिका-८ स्थित आदर्श चोकमा दुर्घटना हुँदा मोटरसाइकलमा सवार दुई जनाको मृत्यु भएको हो ।

जगाती तर्फ जाँदै गरेको बा ८९ प ७८७६ नम्बरको मोटरसाइकल र विपरीत दिशाबाट आउँदै गरेको बा ४ ख ५२९८ नम्बरको टिपर बिहिबार बिहान सवा २ बजे ठोक्किएको थियो ।

दुर्घटनामा घाइते भएका उनीहरुको भक्तपुर अस्पतालमा उपचारको क्रममा आज बिहान ३ बजे मृत्यु भएको भक्तपुर प्रहरीले जनाएको छ ।

मृतकको सनाखत हुन बाँकी रहेको छ ।