काठमाडौं । ओमानमा जारी एसीसी यू–१९ एसिया पुरुष क्रिकेट प्रतियोगिताअन्तर्गत युनाइटेड अरब इमिरेट्स(यूएई)सँग नेपालले ७ विकेटको हार व्यहोरेको हो ।यस प्रतियोगितामा नेपालको यो लगातार दोस्रो हार हो ।
पहिलो खेलमा नेपालले भारतसँग १० विकेटको पराजय व्यहोरेको थियो । यूएईले भने प्रतियोगितामा जितको खाता खोलेको छ । आइतबार नेपालले दिएको १५४ रनको सामान्य लक्ष्य यूएईले ३४.४ ओभरमा तीन विकेट गुमाएर भेट्टायो ।
यूएईका निम्ति अयान मिस्बाहले अविजित ७५, आयिन किरण राईले ३२, अहमद खुदादादले २४ र ओमर तौकिरले ११ रन जोडे ।
नेपालका कप्तान विपिन रावल, नितेश पटेल र सुशील रावलले समान एकरएक विकेट लिए ।
त्यसअघि, ओमानको अलमरात क्रिकेट मैदानमा टस हारेर ब्याटिङको निम्तो पाएको नेपालले ४१ ओभरमा सबै विकेट गुमाएर १५३ रन बनाएको थियो । नेपालका निम्ति सोहेल कुँवरले ३३, सचिन भट्टले ३२, निरजकुमार यादव र दर्श सोनारले समान १६र१६ रन जोडे ।
यूएईका निम्ति नसीम खानले आठ ओभरमा एक मेडनसहित ४३ रन दिएर सर्वाधिक पाँच विकेट लिए ।
नेपालले अब प्रतियोगिताको तेस्रो खेलमा मंगलबार पाकिस्तानको सामना गर्नेछ
